log kahte hain badalta hai zamana sab ko
mard wo hain jo zamane ko badal dete hain

Akbar Allahabadi

---

---

naz kya is pe jo badla hai zamane ne tumhein
mard hain wo jo zamane ko badal dete hain

Akbar Allahabadi

---

---

charagh-e-rahguzar lakh tabnak sahi
jala ke apna diya raushni makan mein la

Akbar Hyderabadi

---

---

'aKHtar' guzarte lamhon ki aahaT pe yun na chaunk
is matami julus mein ek zindagi bhi hai

Akhtar Hoshiyarpuri

---

---

inhi gham ki ghaTaon se KHushi ka chand niklega
andheri raat ke parde mein din ki raushni bhi hai

Akhtar Shirani

---

---

aain-e-jawan-mardan haq-goi o be-baki
allah ke sheron ko aati nahin rubahi

Allama Iqbal

---

---

'attar' ho 'rumi' ho 'raazi' ho 'ghazali' ho
kuchh hath nahin aata be-ah-e-sahar-gahi

Allama Iqbal

---

---