koshish bhi kar umid bhi rakh rasta bhi chun
phir is ke baad thoDa muqaddar talash ka

Nida Fazli

---

---

sare patthar nahin hote hain malamat ka nishan
wo bhi patthar hai jo manzil ka nishan deta hai

Parvez akhtar

---

---

na ham-safar na kisi ham-nashin se niklega
hamare panw ka kanTa hamin se niklega

Rahat Indori

---

---

hanwar se laDo tund lahron se uljho
kahan tak chaloge kinare kinare

Raza Hamdani

---

---

hazar barq gire lakh aandhiyan uTThen
wo phul khil ke rahenge jo khilne wale hain

Sahir Ludhianvi

---

---

wo afsana jise anjam tak lana na ho mumkin
use ek KHub-surat moD de kar chhoDna achchha

Sahir Ludhianvi

---

---

mazi-e-marhum ki nakaamiyon ka zikr chhoD
zindagi ki fursat-e-baqi se koi kaam le

Seemab Akbarabadi

---

---