zindagi nam hai ek johd-e-musalsal ka 'fana'
rah-rau aur bhi thak jata hai aaram ke baad

Fana Nizami Kanpuri

---

---

har musibat ka diya ek tabassum se jawab
is tarah gardish-e-dauran ko rulaya main ne

Fani Badayuni

---

---

maujon ki siyasat se mayus na ho 'fani'
girdab ki har tah mein sahil nazar aata hai

Fani Badayuni

---

---

mere naKHuda na ghabra ye nazar hai apni apni
tere samne hai tufan mere samne kinara

Farooq Banspari

---

---

mizaj alag sahi hum donon kyun alag hon ki hain
sarab o aab mein poshida qurbaten kya kya

Fuzail Jafri

---

---

koi ek zaiqa nahin milta
gham mein shamil KHushi si rahti hai

Ghulam Murtaza Rahi

---

---

chale chaliye ki chalna hi dalil-e-kaamrani hai
jo thak kar baiTh jate hain wo manzil pa nahin sakte

Hafeez Banarasi

---

---