aat ko jit to pata nahin lekin ye charagh
kam se kam raat ka nuqsan bahut karta hai

Irfan Siddiqi

---

---

uTho ye manzar-e-shab-tab dekhne ke liye
ki nind shart nahin KHwab dekhne ke liye

Irfan Siddiqi

---

---

in andheron se pare is shab-e-gham se aage
ek nai subh bhi hai sham-e-alam se aage

Ishrat Qadri

---

---

kinare hi se tufan ka tamasha dekhne wale
kinare se kabhi andaza-e-tufan nahin hota

Jagan Nath Azad

---

---

asta sochte rahne se kidhar banta hai
sar mein sauda ho to diwar mein dar banta hai

Jaleel u0027Aaliu0027

---

---

jalane wale jalate hi hain charagh aaKHir
ye kya kaha ki hawa tez hai zamane ki

Jameel Mazhari

---

---

aastan bhi koi mil jaega ai zauq-e-niyaz
sar salamat hai to sajda bhi ada ho jaega

Jigar Barelvi

---

---