wo lamha jab mere bachche ne man pukara mujhe
main ek shaKH se kitna ghana daraKHt hui

Humaira Rahman

---

---

dua ko hat uThate hue larazta hun
kabhi dua nahin mangi thi man ke hote hue

Iftikhar Arif

---

---

ghar se nikle hue beTon ka muqaddar malum
man ke qadmon mein bhi jannat nahin milne wali

Iftikhar Arif

---

---

muddaton baad mayassar hua man ka aanchal
muddaton baad hamein nind suhani aai

Iqbal Ashhar

---

---

ek laDka shahr ki raunaq mein sab kuchh bhul jae
ek buDhiya roz chaukhaT par diya raushan kare

Irfan Siddiqi

---

---

uDhi man ka shayad lauT aaya bachpan
guDiyon ka ambar laga kar baiTh gai

Irshad Khan ’Sikandar’

---

---

man ki aaghosh mein kal maut ki aaghosh mein aaj
hum ko duniya mein ye do waqt suhane se mile

Kaif Bhopali

---

---