samne man ke jo hota hun to allah allah
mujh ko mahsus ye hota hai ki bachcha hun abhi

Mahfuzur Rahman Adil

---

---

dur rahti hain sada un se balaen sahil
apne man bap ki jo rose dua lete hain

Mohammad Ali Sahil

---

---

abhi zinda hai man meri mujhe kuchh bhi nahin hoga
main ghar se jab nikalta hun dua bhi sath chalti hai

Munawwar Rana

---

---

arbaad kar diya hamein pardes ne magar
man sab se ki rahi hai ki beTa maze mein hai

Munawwar Rana

---

---

chalti phirti hui aaankhon se azan dekhi hai
main ne jannat to nahin dekhi hai man dekhi hai

Munawwar Rana

---

---

din bhar ki mashaqqat se badan chur hai lekin
man ne mujhe dekha to thakan bhul gai hai

Munawwar Rana

---

---

is tarah mere gunahon ko wo dho deti hai
man bahut ghusse mein hoti hai to ro deti hai

Munawwar Rana

---

---