jab bhi kashti meri sailab mein aa jati hai
man dua karti hui KHwab mein aa jati hai

Munawwar Rana

---

---

kal apne-ap ko dekha tha man ki aankhon mein
ye aaina hamein buDha nahin batata hai

Munawwar Rana

---

---

kisi ko ghar mila hisse mein ya koi dukan aai
main ghar mein sab se chhoTa tha mere hisse mein man aai

Munawwar Rana

---

---

man KHwab mein aa kar ye bata jati hai har roz
bosida si oDhi hui is shaal mein hum hain

Munawwar Rana

---

---

main ne kal shab chahaton ki sab kitaben phaD den
sirf ek kaghaz pe likkha lafz-e-man rahne diya

Munawwar Rana

---

---

munawwar man ke aage yun kabhi khul kar nahin rona
jahan buniyaad ho itni nami achchhi nahin hoti

Munawwar Rana

---

---

shahr ke raste hon chahe ganw ki pagDanDiyan
man ki ungli tham kar chalna bahut achchha laga

Munawwar Rana

---

---