jab chali ThanDi hawa bachcha ThiThur kar rah gaya
man ne apne lal ki taKHti jala di raat ko

Sibt Ali Saba

---

---

kitabon se nikal kar titliyan ghazlen sunati hain
tiffin rakhti hai meri man to basta muskuraata hai

Siraj Faisal Khan

---

---

ab ek rumal mere sath ka hai
jo meri walida ke hath ka hai

Syed Zameer Jafri

---

---

ahan ki iltija man ki mohabbat sath chalti hai
wafa-e-dostan bahr-e-mashaqqat sath chalti hai

Syed Zameer Jafri

---

---

ai raat mujhe man ki tarah god mein le le
din bhar ki mashaqqat se badan TuT raha hai

Tanveer Sipra

---

---

shayad yunhi simaT saken ghar ki zaruraten
'tanwir' man ke hath mein apni kamai de

Tanveer Sipra

---

---