ut-kade se chale ho kabe ko
kya milega tumhein KHuda ke siwa

Hafeez Jalandhari

---

---

wafa jis se ki bewafa ho gaya
jise but banaya KHuda ho gaya

I was constant but she eschewed fidelity
the one I idolized, alas, claimed divinity

Hafeez Jalandhari

---

---

ai sanam jis ne tujhe chand si surat di hai
usi allah ne mujh ko bhi mohabbat di hai

Haidar Ali Aatish

---

---

agar teri KHushi hai tere bandon ki masarrat mein
to ai mere KHuda teri KHushi se kuchh nahin hota

Hari Chand Akhtar

---

---

iman bhi laj rakh na saka mere jhuT ki
apne KHuda pe kitna mujhe e'timad tha

Himayat Ali Shayar

---

---

tarif us KHuda ki jis ne jahan banaya
kaisi zamin banai kya aasman banaya

Ismail Merathi

---

---

hum yahan KHud aae hain laya nahin koi hamein
aur KHuda ka hum ne apne nam par rakkha hai nam

Jaun Eliya

---

---