tamam umr KHushi ki talash mein guzri
tamam umr taraste rahe KHushi ke liye

Abul Mujahid Zahid

---

---

warna insan mar gaya hota
koi be-nam justuju hai abhi

Ada Jafri

---

---

tere baghair bhi to ghanimat hai zindagi
KHud ko ganwa ke kaun teri justuju kare

Ahmad Faraz

---

---

khoya hai kuchh zarur jo us ki talash mein
har chiz ko idhar se udhar kar rahe hain hum

Ahmad Mushtaq

---

---

hai justuju ki KHub se hai KHub-tar kahan
ab Thaharti hai dekhiye ja kar nazar kahan

Altaf Hussain Hali

---

---

hum ki mayus nahin hain unhen pa hi lenge
log kahte hain ki DhunDe se KHuda milta hai

Arsh Siddiqui

---

---

jis husn ki hai chashm-e-tamanna ko justuju
wo aaftab mein hai na hai mahtab mein

Asar Sahbai

---

---