ai shaKHs main teri justuju se
be-zar nahin hun thak gaya hun

Jaun Eliya

---

---

teri talash mein nikle to itni dur gae
ki hum se tai na hue fasle judai ke

Junaid Hazin Lari

---

---

mujh ko shauq-e-justuju-e-kaenat
KHak se 'adil' KHala tak le gaya

Mahfuzur Rahman Adil

---

---

judaiyon ke zaKHm dard-e-zindagi ne bhar diye
tujhe bhi nind aa gai mujhe bhi sabr aa gaya

Nasir Kazmi

---

---

sab kuchh to hai kya DhunDti rahti hain nigahen
kya baat hai main waqt pe ghar kyun nahin jata

Nida Fazli

---

---

justuju khoe huon ki umr bhar karte rahe
chand ke hamrah hum har shab safar karte rahe

Parveen Shakir

---

---

justuju jis ki thi us ko to na paya hum ne
is bahane se magar dekh li duniya hum ne

Shahryar

---

---