do ghaDi us se raho dur to yun lagta hai
jis tarah saya-e-diwar se diwar juda

Ahmad Faraz

---

---

hamesha ke liye mujh se bichhaD ja
ye manzar bar-ha dekha na jae

Ahmad Faraz

---

---

hua hai tujh se bichhaDne ke baad ye malum
ki tu nahin tha tere sath ek duniya thi

Ahmad Faraz

---

---

is qadar musalsal thin shiddaten judai ki
aaj pahli bar us se main ne bewafai ki

Ahmad Faraz

---

---

kis kis ko bataenge judai ka sabab hum
tu mujh se KHafa hai to zamane ke liye aa

Ahmad Faraz

---

---

mujh se bichhaD ke tu bhi to roega umr bhar
ye soch le ki main bhi teri KHwahishon mein hun

Ahmad Faraz

---

---

us ko juda hue bhi zamana bahut hua
ab kya kahen ye qissa purana bahut hua

Ahmad Faraz

---

---