judaiyon ke zaKHm dard-e-zindagi ne bhar diye
tujhe bhi nind aa gai mujhe bhi sabr aa gaya

Nasir Kazmi

---

---

yaad hai ab tak tujh se bichhaDne ki wo andheri sham mujhe
tu KHamosh khaDa tha lekin baaten karta tha kajal

Nasir Kazmi

---

---

juda kisi se kisi ka gharaz habib na ho
ye dagh wo hai ki dushman ko bhi nasib na ho

from their beloved separated none should be
such a fate should not befall even my enemy

Nazeer Akbarabadi

---

---

us ko ruKHsat to kiya tha mujhe malum na tha
sara ghar le gaya ghar chhoD ke jaane wala

Nida Fazli

---

---

koi yahan se chal diya raunaq-e-baam-o-dar nahin
dekh raha hun ghar ko main ghar hai magar wo ghar nahin

Nooh Narvi

---

---

ye Thik hai nahin marta koi judai mein
KHuda kisi ko kisi se magar juda na kare

Qateel Shifai

---

---

yun lage dost tera mujh se KHafa ho jaana
jis tarah phul se KHushbu ka juda ho jaana

Qateel Shifai

---

---