firaq-e-yar ne bechain mujh ko raat bhar rakkha
kabhi takiya idhar rakkha kabhi takiya udhar rakkha

Ameer Minai

---

---

tul-e-shab-e-firaq ka qissa na puchhiye
mahshar talak kahun main agar muKHtasar kahun

Ameer Minai

---

---

milna tha ittifaq bichhaDna nasib tha
wo utni dur ho gaya jitna qarib tha

Anjum Rehbar

---

---

itna be-tab na ho mujh se bichhaDne ke liye
tujh ko aaankhon se nahin dil se juda karna hai

Anjum Saleemi

---

---

kabhi kabhi to ye dil mein sawal uThta hai
ki is judai mein kya us ne pa liya hoga

Anwar Anjum

---

---

ho gae din jinhen bhulae hue
aaj kal hain wo yaad aae hue

Anwar Shuoor

---

---

kaDa hai din baDi hai raat jab se tum nahin aae
digar-gun hain mere haalat jab se tum nahin aae

Anwar Shuoor

---

---