koi samjhe to ek baat kahun
ishq taufiq hai gunah nahin

if someone were to listen, one thing I will opine
Love is not a crime forsooth it is grace divine

Firaq Gorakhpuri

---

---

tujh ko pa kar bhi na kam ho saki be-tabi-e-dil
itna aasan tere ishq ka gham tha hi nahin

Firaq Gorakhpuri

---

---

ishq ki dastaras mein kuchh bhi nahin
jaan-e-man! mere bas mein kuchh bhi nahin

Ghulam Husain Sajid

---

---

ishq par faez hun auron ki tarah lekin mujhe
wasl ka lapka nahin hai hijr se wahshat nahin

Ghulam Husain Sajid

---

---

ishq par iKHtiyar hai kis ka
faeda pesh-o-pas mein kuchh bhi nahin

Ghulam Husain Sajid

---

---

karunga kya jo mohabbat mein ho gaya nakaam
mujhe to aur koi kaam bhi nahin aata

Ghulam Mohammad Qasir

---

---

nahin bachta hai bimar-e-mohabbat
suna hai hum ne 'goya' ki zabani

Goya Faqir Mohammad

---

---