mohabbat karo aur nibaho to puchhun
ye dushwariyan hain ki aasaniyan hain

Hafeez Jalandhari

---

---

na pak hoga kabhi husn o ishq ka jhagDa
wo qissa hai ye ki jis ka koi gawah nahin

Haidar Ali Aatish

---

---

husn hai kafir banane ke liye
ishq hai iman lane ke liye

Hairat Gondvi

---

---

charcha hamara ishq ne kyun ja-ba-ja kiya
dil us ko de diya to bhala kya bura kiya

Hakim Mohammad Ajmal Khan Shaida

---

---

sine mein raaz-e-ishq chhupaya na jaega
ye aag wo hai jis ko dabaya na jaega

Hameed Jalandhari

---

---

ishq ke phande se bachiye ai 'haqir'-e-KHasta-dil
is ka hai aaghaz shirin aur hai anjam talKH

Haqeer

---

---

mohabbaten to faqat intihaen mangti hain
mohabbaton mein bhala e'tidal kya karna

Hasan Abbas Raza

---

---