ye kar-e-ishq to bachchon ka khel Thahra hai
so kar-e-ishq mein koi kamal kya karna

Hasan Abbas Raza

---

---

mohabbat mein kaThin raste bahut aasan lagte the
pahaDon par suhulat se chaDha karte the hum donon

Hasan Abbasi

---

---

wafa parchhain ki andhi parastish
mohabbat nam hai mahrumiyon ka

Hasan Akbar Kamal

---

---

iqrar hai ki dil se tumhein chahte hain hum
kuchh is gunah ki bhi saza hai tumhaare pas

Hasrat Mohani

---

---

wafa tujh se ai bewafa chahta hun
meri sadgi dekh kya chahta hun

fealty I seek from you, O my faithless friend
behold my innocence and, see what I intend

Hasrat Mohani

---

---

pyar ka pahla KHat likhne mein waqt to lagta hai
nae parindon ko uDne mein waqt to lagta hai

Hastimal Hasti

---

---

suna hai KHwab mukammal kabhi nahin hote
suna hai ishq KHata hai so kar ke dekhte hain

Humaira Rahat

---

---