ya dair hai ya kaba hai ya ku-e-butan hai
ai ishq teri fitrat-e-azad kahan hai

Habeeb Ahmad Siddiqui

---

---

ishq mein marka-e-qalb-o-nazar kya kahiye
choT lagti hai kahin dard kahin hota hai

Hafeez Banarasi

---

---

jab kabhi hum ne kiya ishq pasheman hue
zindagi hai to abhi aur pasheman honge

Hafeez Hoshiarpuri

---

---

mohabbat karne wale kam na honge
teri mahfil mein lekin hum na honge

those that love you will not shrink
But I will be gone I think

Hafeez Hoshiarpuri

---

---

tamam umr tera intizar hum ne kiya
is intizar mein kis kis se pyar hum ne kiya

Hafeez Hoshiarpuri

---

---

ilahi ek gham-e-rozgar kya kam tha
ki ishq bhej diya jaan-e-mubtala ke liye

Hafeez Jalandhari

---

---

kyun hijr ke shikwe karta hai kyun dard ke rone rota hai
ab ishq kiya to sabr bhi kar is mein to yahi kuchh hota hai

Hafeez Jalandhari

---

---