ye maza tha dil-lagi ka ki barabar aag lagti
na tujhe qarar hota na mujhe qarar hota

Dagh Dehlvi

---

---

ishq ne jis dil pe qabza kar liya
phir kahan us mein nashat o gham rahe

Dattatriya Kaifi

---

---

is shahr mein to kuchh nahin ruswai ke siwa
ai 'dil' ye ishq le ke kidhar aa gaya tujhe

Dil Ayubi

---

---

ye rah-e-ishq hai aaKHir koi mazaq nahin
saubaton se jo ghabra gae hon ghar jaen

Dil Ayubi

---

---

zindagi jab azab hoti hai
aashiqi kaamyab hoti hai

Dushyant Kumar

---

---

shorish-e-ishq mein hai husn barabar ka sharik
soch kar jurm-e-tamanna ki saza do hum ko

Ehsan Danish

---

---

qabron mein nahin hum ko kitabon mein utaro
hum log mohabbat ki kahani mein maren hain

Ejaaz tawakkal

---

---