mohabbat ek KHushbu hai hamesha sath chalti hai
koi insan tanhai mein bhi tanha nahin rahta

Bashir Badr

---

---

mohabbaton mein dikhawe ki dosti na mila
agar gale nahin milta to hath bhi na mila

Bashir Badr

---

---

muddat se ek laDki ke ruKHsar ki dhup nahin aai
is liye mere kamre mein itni ThanDak rahti hai

Bashir Badr

---

---

mujhe ishtihaar si lagti hain ye mohabbaton ki kahaniyan
jo kaha nahin wo suna karo jo suna nahin wo kaha karo

Bashir Badr

---

---

na ji bhar ke dekha na kuchh baat ki
baDi aarzu thi mulaqat ki

Bashir Badr

---

---

patthar mujhe kahta hai mera chahne wala
main mom hun us ne mujhe chhu kar nahin dekha

Bashir Badr

---

---

aat teri yaadon ne dil ko is tarah chheDa
jaise koi chuTki le narm narm galon mein

Bashir Badr

---

---