wo chandni ka badan KHushbuon ka saya hai
bahut aziz hamein hai magar paraya hai

Bashir Badr

---

---

wo chehra kitabi raha samne
baDi KHubsurat paDhai hui

Bashir Badr

---

---

wo shaKHs jis ko dil o jaan se baDh ke chaha tha
bichhaD gaya to ba-zahir koi malal nahin

Bashir Badr

---

---

gila bhi tujh se bahut hai magar mohabbat bhi
wo baat apni jagah hai ye baat apni jagah

Basir Sultan Kazmi

---

---

sauda-e-ishq aur hai wahshat kuchh aur shai
majnun ka koi dost fasana-nigar tha

Bekhud Dehlvi

---

---

ishq bhi hai kis qadar bar-KHud-ghalat
un ki bazm-e-naz aur KHuddariyan

Bismil Saeedi

---

---

ek ishq ka gham aafat aur us pe ye dil aafat
ya gham na diya hota ya dil na diya hota

Chiragh Hasan Hasrat

---

---