tujh mein aur mujh mein talluq hai wahi
hai jo rishta saz aur mizrab mein

Bashar Nawaz

---

---

aashiqi mein bahut zaruri hai
bewafai kabhi kabhi karna

Bashir Badr

---

---

abhi rah mein kai moD hain koi aaega koi jaega
tumhein jis ne dil se bhula diya use bhulne ki dua karo

Bashir Badr

---

---

ajib raat thi kal tum bhi aa ke lauT gae
jab aa gae the to pal bhar Thahar gae hote

Bashir Badr

---

---

hala hum mile bhi to kya mile wahi duriyan wahi fasle
na kabhi hamare qadam baDhe na kabhi tumhaari jhijak gai

Bashir Badr

---

---

itni milti hai meri ghazlon se surat teri
log tujh ko mera mahbub samajhte honge

Bashir Badr

---

---

KHuda ki itni baDi kaenat mein main ne
bas ek shaKHs ko manga mujhe wahi na mila

Bashir Badr

---

---