nainon mein tha rasta hirdai mein tha ganw
hui na puri yatra chhalni ho gae panw

Nida Fazli

---

---

hai KHushi intizar ki har dam
main ye kyun puchhun kab milenge aap

Nizam Rampuri

---

---

arha tera intizar kiya
apne KHwabon mein ek dulhan ki tarah

Parveen Shakir

---

---

wo na aaega hamein malum tha is sham bhi
intizar us ka magar kuchh soch kar karte rahe

Parveen Shakir

---

---

ye waqt band darichon pe likh gaya 'qaisar'
main ja raha hun mera intizar mat karna

Qaisar-ul-Jafri

---

---

ye intizar ki ghaDiyan ye shab ka sannaTa
is ek shab mein bhare hain hazar sal ke din

Qamar Siddiqi

---

---

sadiyon tak ehtimam-e-shab-e-hijr mein rahe
sadiyon se intizar-e-sahar kar rahe hain hum

Rais Amrohvi

---

---