kya husn ne samjha hai kya ishq ne jaana hai
hum KHak-nashinon ki Thokar mein zamana hai

Jigar Moradabadi

---

---

meri nigah-e-shauq bhi kuchh kam nahin magar
phir bhi tera shabab tera hi shabab hai

Jigar Moradabadi

---

---

tere jamal ki taswir khinch dun lekin
zaban mein aankh nahin aankh mein zaban nahin

Jigar Moradabadi

---

---

is dil mein tere husn ki wo jalwagari hai
jo dekhe hai kahta hai ki shishe mein pari hai

Josh Malihabadi

---

---

dagh-e-jigar ka apne ahwal kya sunaun
bharte hain us ke aage sham-o-charagh pani

Joshish Azimabadi

---

---

husn aur ishq ka mazkur na howe jab tak
mujh ko bhata nahin sunna kisi afsane ka

Joshish Azimabadi

---

---

hain lazim-o-malzum baham husn o mohabbat
hum hote na talib jo wo matlub na hota

Jurat Qalandar Bakhsh

---

---