jab lagen zaKHm to qatil ko dua di jae
hai yahi rasm to ye rasm uTha di jae

Jaan Nisar Akhtar

---

---

tumhein ghairon se kab fursat hum apne gham se kam KHali
chalo bas ho chuka milna na tum KHali na hum KHali

Jafar Ali Hasrat

---

---

a-qadr-e-paimana-e-taKHayyul surur har dil mein hai KHudi ka
agar na ho ye fareb-e-paiham to dam nikal jae aadmi ka

Jameel Mazhari

---

---

dil mein kisi ke rah kiye ja raha hun main
kitna hasin gunah kiye ja raha hun main

Jigar Moradabadi

---

---

hum ko miTa sake ye zamane mein dam nahin
hum se zamana KHud hai zamane se hum nahin

Jigar Moradabadi

---

---

ek lafz-e-mohabbat ka adna ye fasana hai
simTe to dil-e-ashiq phaile to zamana hai

Jigar Moradabadi

---

---

meri nigah-e-shauq bhi kuchh kam nahin magar
phir bhi tera shabab tera hi shabab hai

Jigar Moradabadi

---

---