teri aankhon ka kuchh qusur nahin
han mujhi ko KHarab hona tha

Jigar Moradabadi

---

---

un ka jo farz hai wo ahl-e-siyasat jaanen
mera paigham mohabbat hai jahan tak pahunche

Jigar Moradabadi

---

---

ye ishq nahin aasan itna hi samajh lije
ek aag ka dariya hai aur Dub ke jaana hai

Jigar Moradabadi

---

---

dil ki choTon ne kabhi chain se rahne na diya
jab chali sard hawa main ne tujhe yaad kiya

Josh Malihabadi

---

---

ilahi kya ilaqa hai wo jab leta hai angDai
mere sine mein sab zaKHmon ke Tanke TuT jate hain

Jurat Qalandar Bakhsh

---

---

kaun aaega yahan koi na aaya hoga
mera darwaza hawaon ne hilaya hoga

Kaif Bhopali

---

---

jhuki jhuki si nazar be-qarar hai ki nahin
daba daba sa sahi dil mein pyar hai ki nahin

Kaifi Azmi

---

---