nala-e-bulbul-e-shaida to suna hans hans kar
ab jigar tham ke baiTho meri bari aai

Lala Madhav Ram Jauhar

---

---

ek bar tujhe aql ne chaha tha bhulana
sau bar junun ne teri taswir dikha di

Mahirul Qadri

---

---

main akela hi chala tha jaanib-e-manzil magar
log sath aate gae aur karwan banta gaya

Majrooh Sultanpuri

---

---

aap ki yaad aati rahi raat bhar
chashm-e-nam muskuraati rahi raat bha

Makhdoom Mohiuddin

---

---

ishq ke shoale ko bhaDkao ki kuchh raat kaTe
dil ke angare ko dahkao ki kuchh raat kaTe

Makhdoom Mohiuddin

---

---

hum ko kis ke gham ne mara ye kahani phir sahi
kis ne toDa dil hamara ye kahani phir sahi

Masroor Anwar

---

---

KHuda ke waste is ko na Toko
yahi ek shahr mein qatil raha hai

Mazhar Mirza Jaan-e-Janaan

---

---