us ke dil par bhi kaDi ishq mein guzri hogi
nam jis ne bhi mohabbat ka saza rakkha hai

Hakeem Nasir

---

---

kuchh usulon ka nasha tha kuchh muqaddas KHwab the
har zamane mein shahadat ke yahi asbab the

Hasan Nayeem

---

---

chori chori hum se tum aa kar mile the jis jagah
muddaten guzrin par ab tak wo Thikana yaad hai

Hasrat Mohani

---

---

chupke chupke raat din aansu bahana yaad hai
hum ko ab tak aashiqi ka wo zamana yaad hai

Hasrat Mohani

---

---

hai mashq-e-suKHan jari chakki ki mashaqqat bhi
ek turfa tamasha hai 'hasrat' ki tabiat bhi

Hasrat Mohani

---

---

nahin aati to yaad un ki mahinon tak nahin aati
magar jab yaad aate hain to aksar yaad aate hain

Hasrat Mohani

---

---

pyar ka pahla KHat likhne mein waqt to lagta hai
nae parindon ko uDne mein waqt to lagta hai

Hastimal Hasti

---

---