aa gaya 'jauhar' ajab ulTa zamana kya kahen
dost wo karte hain baaten jo adu karte nahin

Lala Madhav Ram Jauhar

---

---

ai dost tujh ko rahm na aae to kya karun
dushman bhi mere haal pe ab aab-dida hai

Lala Madhav Ram Jauhar

---

---

jo dost hain wo mangte hain sulh ki dua
dushman ye chahte hain ki aapas mein jang ho

Lala Madhav Ram Jauhar

---

---

ku-e-jaanan mein na ghairon ki rasai ho jae
apni jagir ye ya-rab na parai ho jae

Lala Madhav Ram Jauhar

---

---

us ke dushman hain bahut aadmi achchha hoga
wo bhi meri hi tarah shahr mein tanha hoga

Nida Fazli

---

---

dushmanon ke sath mere dost bhi aazad hain
dekhna hai khinchta hai mujh pe pahla tir kaun

Parveen Shakir

---

---

duniya mein hum rahe to kai din pa is tarah
dushman ke ghar mein jaise koi mehman rahe

I did stay in this world but twas in such a way
a guest who in the house of his enemy does stay

Qayem Chandpuri

---

---