us ke hone se hui hai apne hone ki KHabar
koi dushman se ziyaada laeq-e-izzat nahin

Ghulam Husain Sajid

---

---

dushmanon ne jo dushmani ki hai
doston ne bhi kya kami ki hai

Habib Jalib

---

---

dushmanon ki jafa ka KHauf nahin
doston ki wafa se Darte hain

I do nor fear injury from my enemies
what frightens me is my friend's fidelities

Hafeez Banarasi

---

---

doston se is qadar sadme uThae jaan par
dil se dushman ki adawat ka gila jata raha

Haidar Ali Aatish

---

---

ye dil lagane mein main ne maza uThaya hai
mila na dost to dushman se ittihad kiya

Haidar Ali Aatish

---

---

dosti ki tum ne dushman se ajab tum dost ho
main tumhaari dosti mein mehrban mara gaya

Imdad Imam Asar

---

---

kuchh samajh kar us mah-e-KHubi se ki thi dosti
ye na samjhe the ki dushman aasman ho jaega

Imdad Imam Asar

---

---