kis liye kam nahin hai dard-e-firaq
ab to wo dhyan se utar bhi gae

Firaq Gorakhpuri

---

---

dard ulfat ka na ho to zindagi ka kya maza
aah-o-zari zindagi hai be-qarari zindagi

Ghulam Bhik Nairang

---

---

zaKHm kahte hain dil ka gahna hai
dard dil ka libas hota hai

Gulzar

---

---

sabr ai dil ki ye haalat nahin dekhi jati
Thahr ai dard ki ab zabt ka yara na raha

Habeeb Ashar Dehlavi

---

---

doston ko bhi mile dard ki daulat ya rab
mera apna hi bhala ho mujhe manzur nahin

may my friends too receive this wealth of pain
I cannot envisage my solitary gain

Hafeez Jalandhari

---

---

hae koi dawa karo hae koi dua karo
hae jigar mein dard hai hae jigar ko kya karun

Hafeez Jalandhari

---

---

hath rakh rakh ke wo sine pe kisi ka kahna
dil se dard uThta hai pahle ki jigar se pahle

Hafeez Jalandhari

---

---