tumhaari yaad mein duniya ko hun bhulae hue
tumhaare dard ko sine se hun lagae hue

Asar Sahbai

---

---

yaro nae mausam ne ye ehsan kiye hain
ab yaad mujhe dard purane nahin aate

Bashir Badr

---

---

agar dard-e-mohabbat se na insan aashna hota
na kuchh marne ka gham hota na jine ka maza hota

Chakbast Brij Narayan

---

---

kab Thahrega dard ai dil kab raat basar hogi
sunte the wo aaenge sunte the sahar hogi

Faiz Ahmad Faiz

---

---

minnat-e-chaara-saz kaun kare
dard jab jaan-nawaz ho jae

Faiz Ahmad Faiz

---

---

tez hai aaj dard-e-dil saqi
talKHi-e-mai ko tez-tar kar de

Faiz Ahmad Faiz

---

---

zindagi kya kisi muflis ki qaba hai jis mein
har ghaDi dard ke paiwand lage jate hain

Faiz Ahmad Faiz

---

---