tujh ko pa kar bhi na kam ho saki be-tabi-e-dil
itna aasan tere ishq ka gham tha hi nahin

Firaq Gorakhpuri

---

---

dard ulfat ka na ho to zindagi ka kya maza
aah-o-zari zindagi hai be-qarari zindagi

Ghulam Bhik Nairang

---

---

har ek sans mujhe khinchti hai us ki taraf
ye kaun mere liye be-qarar rahta hai

Ghulam Murtaza Rahi

---

---

dil ko KHuda ki yaad tale bhi daba chuka
kam-baKHt phir bhi chain na pae to kya karun

Hafeez Jalandhari

---

---

shab-e-firaq kuchh aisa KHayal-e-yar raha
ki raat bhar dil-e-gham-dida be-qarar raha

Hijr Nazim Ali Khan

---

---

taDap taDap ke tamanna mein karwaTen badlin
na paya dil ne hamare qarar sari raat

Imdad Imam Asar

---

---

tumhaare aashiqon mein be-qarari kya hi phaili hai
jidhar dekho jigar thame hue do-chaar baiThe hain

Imdad Imam Asar

---

---