ek chubhan hai ki jo bechain kiye rahti hai
aisa lagta hai ki kuchh TuT gaya hai mujh mein

Irfan Sattar

---

---

dil ko is tarh dekhne wale
dil agar be-qarar ho jae

Jalaluddin Akbar

---

---

nahin ilaj-e-gham-e-hijr-e-yar kya kije
taDap raha hai dil-e-be-qarar kiya kije

Jigar Barelvi

---

---

aa ki tujh bin is tarah ai dost ghabraata hun main
jaise har shai mein kisi shai ki kami pata hun main

Jigar Moradabadi

---

---

dil pyar ki nazar ke liye be-qarar hai
ek tir is taraf bhi ye taza shikar hai

Lala Madhav Ram Jauhar

---

---

aat jati hai man lo kahna
der se dil hai be-qarar apna

Lala Madhav Ram Jauhar

---

---

samjha liya fareb se mujh ko to aap ne
dil se to puchh lijiye kyun be-qarar hai

Lala Madhav Ram Jauhar

---

---