ہم تو بچپن میں بھی اکیلے تھے
صرف دل کی گلی میں کھیلے تھے

جاوید اختر

---

---

اک کھلونا جوگی سے کھو گیا تھا بچپن میں
ڈھونڈھتا پھرا اس کو وہ نگر نگر تنہا

جاوید اختر

---

---

میں بچپن میں کھلونے توڑتا تھا
مرے انجام کی وہ ابتدا تھی

جاوید اختر

---

---

میرے رونے کا جس میں قصہ ہے
عمر کا بہترین حصہ ہے

جوشؔ ملیح آبادی

---

---

میرا بچپن بھی ساتھ لے آیا
گاؤں سے جب بھی آ گیا کوئی

کیفی اعظمی

---

---

جس کے لئے بچہ رویا تھا اور پونچھے تھے آنسو بابا نے
وہ بچہ اب بھی زندہ ہے وہ مہنگا کھلونا ٹوٹ گیا

محشر بدایونی

---

---

فرشتے آ کر ان کے جسم پر خوشبو لگاتے ہیں
وہ بچے ریل کے ڈبوں میں جو جھاڑو لگاتے ہیں

منور رانا

---

---