waqt ab dastaras mein hai 'aKHtar'
ab to main jis jahan tak ho aaun

Akhtar Usman

---

---

ye kaenat mere samne hai misl-e-bisat
kahin junun mein ulaT dun na is jahan ko main

Akhtar Usman

---

---

aas Dubi to dil hua raushan
bujh gaya dil to dil ke dagh jale

Akhtar Ziai

---

---

hula chuke hain zamin o zaman ke sab qisse
suKHan-taraaz hain lekin KHala mein rahte hain

Akhtar Ziai

---

---

dafatan aandhiyon ne ruKH badla
na-gahan aarzu ke bagh jale

Akhtar Ziai

---

---

koi ilaj-e-gham-e-zindagi bata waiz
sune hue jo fasane hain phir suna na mujhe

Akhtar Ziai

---

---

aarzu Tis karb tanhai
KHud mein kitna simaT gaya hun main

Akmal Imaam

---

---