meri nigah ki wusat bhi is mein shamil kar
meri zamin pe tera ye aasman kam hai

Akhtar Shumar

---

---

muddaton mein aaj dil ne faisla aaKHir diya
KHub-surat hi sahi lekin ye duniya jhuT hai

Akhtar Shumar

---

---

pahaD bhanp raha tha mere irade ko
wo is liye bhi ki tesha mujhe uThana tha

Akhtar Shumar

---

---

tu ne ek umr ke baad puchha hai haal-e-dil
wahi dard-o-gham wahi hasraten mere sath hain

Akhtar Shumar

---

---

wo muskura ke koi baat kar raha tha 'shumar'
aur us ke lafz bhi the chandni mein bikhre hue

Akhtar Shumar

---

---

tera har raaz chhupae hue baiTha hai koi
KHud ko diwana banae hue baiTha hai koi

Akhtar Siddiqui

---

---

sham aae aur ghar ke liye dil machal uThe
sham aae aur dil ke liye koi ghar na ho

Akhtar Usman

---

---