zindagi kitni masarrat se guzarti ya rab
aish ki tarah agar gham bhi gawara hota

Akhtar Shirani

---

---

ab to hathon se lakiren bhi miTi jati hain
us ko kho kar to mere pas raha kuchh bhi nahin

Akhtar Shumar

---

---

abhi safar mein koi moD hi nahin aaya
nikal gaya hai ye chup-chap dastan se kaun

Akhtar Shumar

---

---

main ghar ko phunk raha tha baDe yaqin ke sath
ki teri rah mein pahla qadam uThana tha

Akhtar Shumar

---

---

main to is waste chup hun ki tamasha na bane
tu samajhta hai mujhe tujh se gila kuchh bhi nahin

Akhtar Shumar

---

---

main zindagi ke safar mein tha mashghala us ka
wo DhunD DhunD ke mujh ko ganwa diya karta

Akhtar Shumar

---

---

meri ruswai agar sath na deti mera
yun sar-e-bazm main izzat se nikalta kaise

Akhtar Shumar

---

---