thak gae hum karte karte intizar
ek qayamat un ka aana ho gaya

Akhtar Shirani

---

---

umr bhar ki talKH bedari ka saman ho gain
hae wo raaten ki jo KHwab-e-pareshan ho gain

Akhtar Shirani

---

---

un ras bhari aankhon mein haya khel rahi hai
do zahr ke pyalon mein qaza khel rahi hai

Akhtar Shirani

---

---

us ke ahd-e-shabab mein jina
jine walo tumhein hua kya hai

Akhtar Shirani

---

---

uThte nahin hain ab to dua ke liye bhi hath
kis darja na-umid hain parwardigar se

Akhtar Shirani

---

---

wo agar aa na sake maut hi aai hoti
hijr mein koi to gham-KHwar hamara hota

Akhtar Shirani

---

---

yaad aao mujhe lillah na tum yaad karo
meri aur apni jawani ko na barbaad karo

Akhtar Shirani

---

---