hamein har aane wala zaKHm-e-taza de ke jata hai
hamare chand suraj aur sitare ek jaise hain

Akhtar Amaan

---

---

tamam umr guzar jati hai kabhi pal mein
kabhi to ek hi lamha basar nahin hota

Akhtar Amaan

---

---

aarzu ko ruh mein gham ban ke rahna aa gaya
sahte sahte hum ko aaKHir ranj sahna aa gaya

Akhtar Ansari

---

---

ai soz-e-jaan-gudaz abhi main jawan hun
ai dard-e-la-ilaj ye umr-e-shabab hai

Akhtar Ansari

---

---

apni ujDi hui duniya ki kahani hun main
ek bigDi hui taswir-e-jawani hun main

Akhtar Ansari

---

---

dil-e-fasurda mein kuchh soz o saz baqi hai
wo aag bujh gai lekin gudaz baqi hai

Akhtar Ansari

---

---

dusron ka dard 'aKHtar' mere dil ka dard hai
mubtala-e-gham hai duniya aur main gham-KHwar hun

Akhtar Ansari

---

---