shabab-e-dard meri zindagi ki subh sahi
piyun sharab yahan tak ki sham ho jae

Akhtar Ansari

---

---

sunne wale fasana tera hai
sirf tarz-e-bayan hi mera hai

Akhtar Ansari

---

---

us se puchhe koi chahat ke maze
jis ne chaha aur jo chaha gaya

Akhtar Ansari

---

---

wo mazi jo hai ek majmua ashkon aur aahon ka
na jaane mujh ko is mazi se kyun itni mohabbat hai

Akhtar Ansari

---

---

yaad-e-mazi azab hai ya-rab
chhin le mujh se hafiza mera

Akhtar Ansari

---

---

yaron ke iKHlas se pahle dil ka mere ye haal na tha
ab wo chaknachur paDa hai jis shishe mein baal na tha

Akhtar Ansari

---

---

abhi bahaar ne sikhi kahan hai dil-jui
hazar dagh abhi qalb-e-lala-zar mein hain

Akhtar Ansari Akbarabadi

---

---