zamane se mohabbat ka abhi tak
ye hasil hai ki kuchh hasil nahin hai

Akhlaque Bandvi

---

---

chaTak mein ghunche ki wo saut-e-jaan-faza to nahin
suni hai pahle bhi aawaz ye kahin main ne

Akhtar Ali Akhtar

---

---

fareb-e-jalwa kahan tak ba-ru-e-kar rahe
naqab uThao ki kuchh din zara bahaar rahe

Akhtar Ali Akhtar

---

---

guftugu-e-surat-o-mani hai unwan-e-hayat
khelte hain wo meri fitrat ki hairani ke sath

Akhtar Ali Akhtar

---

---

mujhi ko parda-e-hasti mein de raha hai fareb
wo husn jis ko kiya jalwa-afrin main ne

Akhtar Ali Akhtar

---

---

tum ne har zarre mein barpa kar diya tufan-e-shauq
ek tabassum is qadar jalwon ki tughyani ke sath

Akhtar Ali Akhtar

---

---

adan ke shahar mein aabaad ek darinda hai
agarche dekhne mein kitna KHush-libas bhi hai

Akhtar Amaan

---

---