sitaron ki gardish dilon ka bichhaDna
ye kaise KHuda ki hai kaisi KHudai

Akhlaq Ahmad Ahan

---

---

tere firaq mein hum ne bahae ashk-e-jigar
ye sab ne chaha magar aae to lahu aae

Akhlaq Ahmad Ahan

---

---

wo jadu adaen adaon mein jadu
ye pahunchaen hum ko fana se baqa tak

Akhlaq Ahmad Ahan

---

---

ye kaisi jagah hai ki dil kho raha hai
bayaban hai sahra hai gulshan hai kya hai

Akhlaq Ahmad Ahan

---

---

kisi ke lams ki tasir hai ki barson baad
meri kitabon mein ab bhi gulab jagte hain

Akhlaque Bandvi

---

---

kya tujhe ilm nahin teri raza ki KHatir
main ne kis kis ko zamane mein KHafa rakkha hai

Akhlaque Bandvi

---

---

umr lag jati hai ek ghar ko banane mein hamein
makaDiyan rose hi bun leti hain jale kaise

Akhlaque Bandvi

---

---