asti basti parbat parbat wahshat ki hai dhup 'ziya'
chaaron jaanib virani hai dil ka ek virana kya

Ahmad Ziya

---

---

hai mera chehra saikaDon chehron ka aaina
bezar ho gaya hun tamashaiyon se main

Ahmad Ziya

---

---

ek main hun ki lahron ki tarah chain nahin hai
ek wo hai ki KHamosh samundar ki tarah hai

Ahmad Ziya

---

---

is qadar pur-KHulus lahja hai
us se milna hai umr bhar jaise

Ahmad Ziya

---

---

mujh ko mere wajud se koi nikal de
tang aa chuka hun roz ke in hadson se main

Ahmad Ziya

---

---

na jaane kitne marahil ke baad paya tha
wo ek lamha jo tu ne guzarne na diya

Ahmad Ziya

---

---

nagar nagar mein nai bastiyan basai gain
hazar chaha magar phir bhi apna ghar na bana

Ahmad Ziya

---

---