jo arzan hai to hai un ki mata-e-abru warna
zara si chiz bhi behad giran hai is zamane mein

Ahmaq Phaphoondvi

---

---

gali ka aam sa chehra bhi pyara hone lagta hai
mohabbat mein to zarra bhi sitara hone lagta hai

Ahmed Ataullah

---

---

ek dil hai ek hasrat ek hum hain ek tum
itne gham kam hain jo koi aur gham paida karen

Ahsan Marahravi

---

---

haalat dil-e-betab ki dekhi nahin jati
behtar hai ki ho jae ye paiwand zamin ka

Ahsan Marahravi

---

---

hai wo jab dil mein to kaisi justuju
DhunDne walon ki ghaflat dekhna

Ahsan Marahravi

---

---

hum apni be-qarari-e-dil se hain be-qarar
aamezish-e-sukun hai is iztirab mein

Ahsan Marahravi

---

---

hamara intiKHab achchha nahin ai dil to phir tu hi
KHayal-e-yar se behtar koi mehman paida ka

Ahsan Marahravi

---

---