ang ang se rang rang ke phul baraste dekhe kaun
rang rang se shole barse kaise barse soche kaun

Ahmad Zafar

---

---

jo reza reza nahin dil use nahin kahte
kahen na aaina us ko jo para-para nahin

Ahmad Zafar

---

---

kaun Dubega kise par utarna hai 'zafar'
faisla waqt ke dariya mein utar kar hoga

Ahmad Zafar

---

---

kyun tirgi se is qadar manus hun 'zafar'
ek sham-e-rah-guzar ki sahar tak jali bhi hai

Ahmad Zafar

---

---

main makin hun na makan shahr-e-mohabbat ka 'zafar'
dil musafir na kisi ghair ke ghar jaega

Ahmad Zafar

---

---

un se meri baat na puchh
un se meri an-ban hai

Ahmad Zafar

---

---

aandhiyon ki zad mein hai mera wajud
aur main diwar ki taswir hun

Ahmad Ziya

---

---