jhuT bolon to gunahgar banon
saf kah dun to saza-war banon

Ahmad Wasi

---

---

jo chehre dur se lagte hain aadmi jaise
wahi qarib se patthar dikhai dete hain

Ahmad Wasi

---

---

jo kahta tha zamin ko main sitaron se saja dunga
wahi basti ki tah mein rakh gaya chingariyan apni

Ahmad Wasi

---

---

judai kyun dilon ko aur bhi nazdik lati hai
bichhaD kar kyun ziyaada pyar ka ehsas hota hai

Ahmad Wasi

---

---

log hairat se mujhe dekh rahe hain aise
mere chehre pe koi nam likha ho jaise

Ahmad Wasi

---

---

mein sans sans hun ghayal ye kaun manega
badan pe choT ka koi nishan bhi to nahin

Ahmad Wasi

---

---

muddat ke baad aaina kal samne paDa
dekhi jo apni shakl to chehra utar gaya

Ahmad Wasi

---

---