ek rishta bhi mohabbat ka agar TuT gaya
dekhte dekhte shiraaza bikhar jata hai

Nushur Wahidi

---

---

gunahgar to rahmat ko munh dikha na saka
jo be-gunah tha wo bhi nazar mila na saka

Nushur Wahidi

---

---

hai sham abhi kya hai bahki hui baaten hain
kuchh raat Dhale saqi mai-KHana sambhalta hai

Nushur Wahidi

---

---

hum ne bhi nigahon se unhen chhu hi liya hai
aaine ka ruKH jab wo idhar karte rahe hain

Nushur Wahidi

---

---

hum riwayat ko pighla ke 'nushur'
ek nae fan ke qarib aa pahunche

Nushur Wahidi

---

---

haqiqat jis jagah hoti hai tabani batati hai
koi parde mein hota hai to chilman jagmagati hai

Nushur Wahidi

---

---

hasti ka nazara kya kahiye marta hai koi jita hai koi
jaise ki diwali ho ki diya jalta jae bujhta jae

Nushur Wahidi

---

---