meri aankhon mein hain aansu tere daman mein bahaar
gul bana sakta hai tu shabnam bana sakta hun main

Nushur Wahidi

---

---

'nushur' aaluda-e-isyan sahi par kaun baqi hai
ye baaten raaz ki hain qibla-e-alam bhi pite hain

Nushur Wahidi

---

---

qadam mai-KHana mein rakhna bhi kar-e-puKHta-karan hai
jo paimana uThate hain wo tharraya nahin karte

Nushur Wahidi

---

---

saliqa jin ko hota hai gham-e-dauran mein jine ka
wo yun shishe ko har patthar se Takraya nahin karte

Nushur Wahidi

---

---

sarak kar aa gain zulfen jo in maKHmur aankhon tak
main ye samjha ki mai-KHane pe badli chhai jati hai

Nushur Wahidi

---

---

tariKH-e-junun ye hai ki har daur-e-KHirad mein
ek silsila-e-dar-o-rasan hum ne banaya

Nushur Wahidi

---

---

usi ko zindagi ka saz de ke mutmain hun main
wo husn jis ko husn-e-be-sabaat kahte aae hain

Nushur Wahidi

---

---