pila saqiya mai-e-jaan pila ki main laun phir KHabar-e-junun
ye KHirad ki raat chhaTe kahin nazar aae phir sahar-e-junun

Noon Meem Rashid

---

---

wahi manzilen wahi dasht o dar tere dil-zadon ke hain rahbar
wahi aarzu wahi justuju wahi rah-e-pur-KHatar-e-junun

Noon Meem Rashid

---

---

kaun tanhai ka ehsas dilata hai mujhe
ye bhara shahr bhi tanha nazar aata hai mujhe

Noor Jahan Sarwat

---

---

parindon mein to ye firqa-parasti bhi nahin dekhi
kabhi mandir pe ja baiThe kabhi masjid pe ja baiThe

Noor Taqi Noor

---

---

dil ka kya hai dil ne kitne manzar dekhe lekin
aankhen pagal ho jati hain ek KHayal se pahle

Noshi Gilani

---

---

jalae rakkhungi subh tak main tumhaare raston mein apni aankhen
magar kahin zabt TuT jae to barishen bhi shumar karna

Noshi Gilani

---

---

kisi harf mein kisi bab mein nahin aaega
tera zikr meri kitab mein nahin aaega

Noshi Gilani

---

---